gan
Manon Wright
Elen gyda’r tlws.
Elen ar ôl y gystadleuaeth
Elen wedi gosod y frechdan yn daclus.
Elen wrth ei gwaith a chyfweliad teledu yn digwydd tu ôl iddi.
Elen cyn y gystadleuaeth.
Dyma Elen gyda’r beiriad a’r disgyblion ddaeth yn 2il a 3ydd
Daeth llwyddiant mawr i nifer o blant yr ardal yn Eisteddfod yr Urdd 2023 yn Llanymddyfri. Elen Vobe a ddaeth i’r brîg ar ddiwedd y gystadleuaeth cogurdd i flynyddoedd 4, 5 a 6. Roedd 19 o blant led led Cymru yn cystadlu ac felly roedd yn gamp a hanner i Elen gipio’r wobr gyntaf.
Y dasg oedd i greu ‘Brechdan fendigedig’ a llwyddodd Elen i greu brechdan arbennig coch, gwyn a gwyrdd gan ddefnyddio cyw iâr, mozzarella, pesto a tomato. Aeth ati i goginio’r cyw iâr a chreu pesto ei hun. Dangosodd sgiliau cyllell diogel a gweithiodd yn hyderus yn y gegin gan ddefnyddio amryw o declynnau trydanol. Roedd y beirniad yn hoff iawn o’r hyder a ddangosodd Elen yn y gegin- arbennig!
Roedd y cefnogwyr yn ddigon ffodus i gael blas o’r frechdan- roedd yn archwaethus a deniadol!
Llongyfarchiadau mawr i Elen am ddod yn fuddugol mewn cystadleuaeth a oedd o safon uchel iawn. Dal ati i’r dyfodol!