gan
Teleri Morris-Thomas
Torf y carnifal
Llywyddion Ann Thomas a Sandra Webb
Carnifal – Dan 2 oed
Carnifal oed Meithrin
Carnifal oed Derbyn
Carnifal Blwyddyn 1 a 2
Carnifal Blwyddyn 3 a 4
Carnifal Blwyddyn 5 a 6
Carnifal Oedolion
Carnifal pâr gorau
Pencampwyr pob categori
Pencampwr carnifal
Ras Sion Cwilt 1af, 2il, 3ydd Bechgyn cynradd
Ras Sion Cwilt 1af, 2il, 3ydd Merched cynradd
Rhedwr cyflymaf Ras Siôn Cwilt
Rhoddion i’r llywyddion
Enillwyr rownderi plant
Rownderi oedolion
Tîm 1 yn ennill rownderi oedolion
Ar y 22ain o Fehefin, daeth cefnogaeth dda ynghyd ar gae Ysgol Talgarreg i fwynhau’r Carnifal, Mabolgampau, Ras Siôn Cwilt a’r Rownderi plant ac oedolion.
Cafwyd gwledd i’r llygad yn y carnifal wrth i’r cylch lenwi â gwisgoedd o bob lliw a llun a syniadau penigamp. Swydd Llywyddion a Beirniaid y dydd, Sanda Webb (Llandysul) ac Ann Thomas (Bwlchyfadfa) oedd penderfynu ar yr enillwyr (yn ben tost go iawn mewn sawl categori), a dyma bencampwyr pob categori:
dan 2 oed: Greta (Gŵyl cofio Cen) a Hari (Llew o’r syrcas)
Meithrin (2-3 oed): Endaf (Arolygydd Estyn) a Heti-Ann (Gerald Nantygwyddau)
Derbyn: Tudor (Cneifiwr)
Bl. 1 a 2: Beca (Heb amaeth, heb faeth)
Bl. 3 a 4: Sara (Cofio merched Talgarreg Deiseb Heddwch 1924) a Betsan (200 mlynedd RNLI)
Bl. 5 a 6: Elis (Cneifiwr Nantygwyddau)
Oedolion: Gareth (Magi Post, Pobol y Cwm 50 oed)
Pâr: Efan a Gwion (Gwasanaethau argyfwng) a Heti-Ann ac Jini-Mai ( Gerald a’r oen bach)
Endaf Lloyd gipiodd cwpan Her David a Liz Woolley, Llawrcwrt am fod yn bencampwr terfynol y carnifal.
Rhaid oedd newid yn gyflym i ddillad ymarfer corff ar gyfer y mabolgampau. Roedd cystadlu brwd yn y rasys rhedeg, wy a llwy a whilber – o’r plant o dan 2 oed hyd at y pensiynwyr! Wedi hynny, daeth y rasys trawsgwlad cynradd a Ras Siôn Cwilt i oedolion. Llongyfarchiadau i Gwydion (dros 18 oed), Marged (merch gynradd) a Jac (bachgen cynradd).
Gwydion Dafis gipiodd Tarian Her Megan Jones, Gwylfa gynt, am y drydedd flwyddyn yn olynol, er bu rhaid iddo weithio’n galed i’w ennill eleni!
Cafwyd llawer o sbort a sbri yn y gemau rownderi! Aeth y cwpan i’r tîm rownderi plant buddugol i dîm B (cymysg ar y dydd), a’r cwpan i’r tîm rownderi i oedolion i dîm 1.
Llongyfarchiadau i’r holl enillwyr a diolch i bawb am gymryd rhan a chefnogi ac i’r gymuned gyfan am dynnu ynghyd i gynorthwyo ar y diwrnod.
Diolch yn fawr i bwyllgorau Cymdeithas Rhieni ac Athrawon Ysgol Talgarreg ac Adran Bentre’ Talgarreg am drefnu’r dydd. Diolch hefyd i Ferched y Wawr Talgarreg am y lluniaeth arbennig yn y prynhawn, i bwyllgor Neuadd Talgarreg am y BBQ gyda’r hwyr, ac i Golwg y Môr am yr hufen iâ blasus.