gan
Donna Wyn Thomas
Ar ddydd Mawrth y 10fed o Hydref, cynhaliwyd prynhawn coffi cymunedol fel rhan o ddathliadau Gŵyl Foel Gilie 2023.Braf oedd gweld y neuadd yn orlawn. Bu’r disgyblion yn estyn croeso cynnes i’r rhieni a ffrindiau’r ysgol. Agorwyd y prynhawn gan Caio, Isaac, Onw a Samantha. Yna fe wnaethon ni ganu nifer o ganeuon i’r gynulleidfa, caneuon fel Cân Hawliau a Chalon Lân.
Bu Osian ac Oliver yn canu ar eu pennau eu hunain. Dywedodd Osian ‘Fe wnes i fwynhau canu ond roeddwn i ychydig bach yn nerfus’.
Yn dilyn y canu, gwnaeth pawb fwynhau paned, cacen (neu ddwy!!) a chlonc. Roedd y cacennau yn flasus iawn.
Roedd pawb wedi mwynhau’r prynhawn.
Diolch i’r rhai a fu’n brysur yn trefnu’r wythnos.
Gan Caio ac Isaac.