gan
Cerys Lloyd
Carnifal: O dan 2 oed
Carnifal: O dan 2 oed (1af, 2il a 3ydd)
Carnifal: Meithrin (2-3 oed)
Carnifal: Derbyn
Carnifal: Blwyddyn 1 a 2
Carnifal: Bl. 3 a 4
Carnifal: Bl. 5 a 6
Carnifal: Oedolion
Carnifal: Pâr
Carnifal: Cystadleuaeth y Pencampwyr
Carnifal: Gwenlli, Pencampwr y Carnifal
Bethan Sturrock, Llywydd a Beirniad y Dydd, yn derbyn rhodd o ddiolch wrth Tomos, Cadeirydd Cyngor yr Ysgol
Ras ŵy a llwy i blant Meithrin (2-3 oed)
Ras Whilber
Enillwyr y Rownderi i Blant: Tîm y Sŵper Dŵpers
Enillwyr y Rownderi i Oedolion
Y Gwobrau
Ar y cyntaf o Orffennaf, daeth torf ynghyd ar gae Ysgol Talgarreg i fwynhau’r Carnifal, Mabolgampau, Ras Siôn Cwilt a’r Rownderi.
Cafwyd gwledd i’r llygad yn y carnifal wrth i’r cylch lenwi â gwisgoedd o bob lliw a llun, a syniadau penigamp. Swydd Llywydd a Beirniad y dydd, Bethan Sturrock, oedd penderfynu ar yr enillwyr, a dyma bencampwr pob categori:
dan 2 oed: Gwenlli (hen fenyw)
Meithrin (2-3 oed): Tudor (môr-leidr Clettwr)
Derbyn: Jack (Willy Wonka)
Bl. 1 a 2: Betsan (Cranogwen)
Bl. 3 a 4: Prys (ailgylchu a lleihau ôl-troed carbon)
Bl. 5 a 6: Eli-May (llwyddiant Ysgol Talgarreg yn Eisteddfod yr Urdd, Llanymddyfri)
Oedolion: Siôn (môr-leidr)
Pâr: Neli a Non (cymeriadau Matilda)
Gwenlli Ioan gipiodd cwpan Her David a Liz Woolley, Llawrcwrt, am fod yn bencampwr terfynol y carnifal.
Rhaid oedd newid yn gyflym i ddillad ymarfer corff ar gyfer y mabolgampau. Roedd cystadlu brwd yn y rasys rhedeg, wy a llwy a whilber – o’r plant o dan 2 oed hyd at y pensiynwyr. Wedi hynny, daeth y rasys trawsgwlad cynradd a Ras Siôn Cwilt i oedolion. Llongyfarchiadau i Gwydion, Marged a Steffan – darllenwch hanes y rasys hir yma.
Cafwyd lot o sbort a sbri yn y gemau rownderi! Aeth y cwpan i’r tîm rownderi plant buddugol i dîm y Sŵper Dŵpers, a’r cwpan i’r tîm rownderi i oedolion i dîm Iestyn.
Llongyfarchiadau i’r holl enillwyr, a diolch i bawb am gymryd rhan a chefnogi, ac i’r gymuned gyfan am dynnu ynghyd i gynorthwyo ar y diwrnod.
Diolch yn fawr i bwyllgorau Cymdeithas Rhieni ac Athrawon Ysgol Talgarreg ac Adran Bentre’ Talgarreg am drefnu’r dydd. Diolch hefyd i Merched y Wawr Talgarreg am y lluniaeth arbennig yn y prynhawn, i bwyllgor Neuadd Talgarreg am y BBQ gyda’r hwyr, ac i Golwg y Môr am yr hufen iâ blasus.